23.失落堡壘 (第3/11页)

此，一星半點的做賊心虛順理成章泯滅。

    即便千種辯白咬定她「冇根冇漒」，或反控「生安白造」倒打一耙未嘗不可，花都不是裁判法院，社團同門亦非狀師審訊，攞個敢作敢當的尾彩包裝卑鄙，再得洪興撐腰，天大宿怨總得畫上句號。

    癡傻才和港島各瓣三點水理論普世公序，木楊城三炷香，斬鳳凰歃鮮血，摔破杯瓦同氣連枝，太子矢誓庇護不出意料。

    阿羽提出的解決方式簡單體面，鋃鐺入獄，黑社會最嗤之以鼻的體面。

    「我份人講均真嘅，你將兩條靚kent交出嚟，同我一齊上法庭認罪，各安天命。」

    「口交定手交？交條毛咩？」陳浩南手指夾煙嵌耳撫摩，先聲表明立場：「戅撚鳩鳩食賓周，我呢度八十幾人質到你變屎餅就真。由你做烏鴉褲浪底入面一條狗渣開始，就無去廟街睇下自己條命去到幾時？」

    銅鑼灣揸li人，隔壁麻雀館扔玻璃杯又被她踢飛二尺四的手下敗將，十有八九正腹謀哪裏跌倒哪裏站起。

    「算命啊，北街有個出名嘅麻衣教過下我，使咪幫你睇睇先啊？最多我蝕抵D，唔收你錢。」

    阿羽假意睨觀，冷諷回嗆：「天庭飽滿食虎飯，眉弓上挑好作亂，蜂目垂尾刑六親，嘴唇薄瘪早見棺...生得靚仔又點？直情柒撚懵懵食甜筒，甲乙丁——欠“丙”。」

    光鏈昏朦蛇行，其實她憑記憶批相，前四條用來唬人有板有眼，他日廟街北支攤斷生死，篷布務必掛起「文韜武略雙料毒舌龍仙姑」噱頭。

    媲美伊面的俊臉凝滿黑氣，印堂牽擰顯著川紋，耳際煙燒着數綹髮絲嗞嗞焦糊。

    油麻地飛女跑馬地架勢，大寫的把口寸天，典型烏鴉嫡傳。

    唇槍舌劍拖延細佬安危，阿堅狗急跳牆：「你老母臭化！咁就隻揼，贏左我你踎大欖，我踎祠堂！」

    「啱聽，你噏得出做得到嘅，我唔介意執翻一劑你，而且祠堂D伙食改善咗唔少，夠你養肥養老。」

    「咁多口水，今次錬你唔低，同你挽鞋！」

    太子絕不允諾：「堅，唔好自作主張，我有分數。」

    阿堅日夜勤操fit，堆砌勇莽自尊爆棚，然大挫鬼王的黑市拳打仔，單是心理海拔就高他百座大東山。

    一旦入冊，前途無量成出師未捷，至尊賽資格押注事事皆休，洪興戰神到處被傳唱一世英雄大kind子，鱷魚頭老襯底，折了細靚損quali。

    扶額思慮少時，話事放低姿態令人納罕：「行古惑嘅