6.飯局搗亂 (第7/7页)

。

    見阿羽不動，烏鴉盛了一碗魚翅羹擺在她面前。

    「嗱，食多D先會有力?嘛~」

    「我幾時可以走？」

    「咁猴擒咩？我咪話咗帶你出嚟見識下囉。」

    這也算見見世面，阿羽着實感到無聊：「哼，家陣見過啦。」

    「你話啦，成日打拳有乜意思，做細靚跟住我唔啱啊？」

    「邊個要做你細靚！」

    他不在意阿羽的惡劣態度，一點都不動怒：「做我細靚包你灌湯灌水，要乜有乜，差得過跟肥佬田咩？」

    「點係啊？我就係一個喺你度搵食嘅打仔嚟?咋~跟咗你咪三日餓九餐，仲要捱埋D刀刀棍棍…飽唔死，餓唔嚫囉...」

    撲哧一聲，烏鴉差點把嘴裏的食物噴出：「小拳王你係咪大飛嘅細妹嚟?？牙詀詀咁把口犀飛利噃~」他擦擦嘴，又問道：「問你啊，你咁鐘意打拳，唔知你師父又係邊個咧？」

    「留番拜山先講，收聲食埋D嘢啦。」

    烏鴉喝下啤酒，說了三個字：「梁…修…文。」

    阿羽心下吃驚，他怎麽會知道？她難以置信的臉色讓烏鴉明白自己猜對了：「你以為我認唔到啊？你同細耳超打嗰日，用神龍隱尾踢咗佢一腳……你知唔知我老竇陳輝，佢都算係個過氣嘅黑市拳王，俾梁修文砌到退出拳壇，你嗰招我淨係喺佢身上見過，完全一樣…只不過你未學到佢個level啫。」

    這些信息阿羽從未聽師父提起，卻被烏鴉說了出來。

    「你仲知D乜啊？」

    「我講啱咗啦係咪啊？梁修文喺香港係個無乜人識嘅拳王，出面D人話佢當年去泰國挑戰摩易泰頂尖高手亞披勒輸咗，人哋仲好打過金蒙空?，後尾就再無你師父嘅聲氣嚕。」

    「冇錯，佢就係我師父…」阿羽承認了，可師父為什麽不告訴她呢？

    「咁...佢而家點樣嘞？」烏鴉倒是很想見見這位名震黑市拳壇的無名拳王。

    「釘咗。」

    「哦，真係好可惜啫。」烏鴉嘖嘖搖頭，曖昧地靠近她：「點都估唔到佢嘅徒弟而家會喺我呢度打拳，你話呢個係咪天意啊？」

    阿羽沒有回答，師父有如此傳奇的過往，是她不曾料到的，她猛然覺得坤叔和師父都對她隱瞞了什麽，和她本身有關。

    同時她也佩服烏鴉的眼力，只一招就辨認出她師承何處，這男人也許除了囂張兇狠，並不比她想象中膚淺。